Trisula Wedha, Tuhan-Dewata-Manusia
berita
Pikiran Bebas

Media Pustaka Harjuna

30 July 2021 12:00

Ciye ciyee...itu sape kong, tumben artikel hari ini nyang muncul tukang cilok, seger banget aye liat botak nye, bikin laper aje,” kata si Japra yang pagi ini amprok di tempat nasi uduk mpok Limeh. “Hus !! .. itu pan uyut Harjune, uyut kite tong. Itu fotonye Januari taun 2020 kemaren, mangnye kenape tong?”, kata bang Ji’ih bari mulutnya repot ngun nyah combro alot.

Aye mau tanya nih kong, maksudnye Tuhan-Dewata-Manusia di artikel ini ape, aye belon paham, masa kite kudu dibawa-bawa ke dewa segala sih, itu pan ajaran merek nyang bukan kite punye,” kata Japra. “Halah, ketinggalan jaman lu pade. Hari gini masih ngomongin merek, lu kire ajaran merek kite kaga ngomongin dewata tong, ajaran kita menang lengkap, dewa juga ade, cume sebutan nye doang beda, malaikat. Malekat itu kata uyut, makna nye malak, malakut artinye Kuase Tuhan,” kata Ji’ih. “Jelasin kong, aye nyimak, bari nyarap nasi uduk kaga ape ye,” kata si Japra bari usik memposisikan duduknya lebih nyaman.

Tangan Tuhan

Tuhan menciptakan, menjadikan semuanye, terus Tuhan ongkang kaki deh di arasy, begitu uyut bilang. Nasib alam, ame penghuni nye, semuanye uda dititipin ke bangsa manuse, tapinye jangan lupe, Tuhan minta bangsa manuse kudu bisa kolaborasi ame bangsa malekat, soalnye, ..malekat itu pan Kuasa Tuhan tong, malekat itu “Tangan Tuhan”, manifestasinye ya alam ini, ma kanye semua makhluk butuh alam, patuh ame alam, takut. Dan Tuhan kaga marah liat manuse takut ame Tangan- Nye.”

Lu sering denger pan tong, mati itu di Tangan Tuhan. Orang nyang mati kerna covid, mati tenggelam, mati keracunan, mati lompat bunuh diri, ya sama aje mati di Tangan Tuhan. Izroil, itu salah satu Tangan Tuhan juge pan. Kuase Tuhan ato Tangan Tuhan itu kiri-kanan tong. Kalo di falsafah Bhinneka Tunggal Ika boleh disebut Kuasa Ilmu-Kuasa Alam. Boleh deh lu bilang male kat ilmu, malekat alam, malekat atas malekat bawah, same aje. Ada malekat muqorrobin, malekat ‘iliyyin (wama adroka maa ‘iliyyun), dsb. nah malekat ini nyang di merek Hindu disebut nye dewata,” kata Ji’ih bari nyeruput teh manis.

Bukannye di merek Hindu, dewata banyak banget kong?” kata Japra protes tapi tetep serius nyimak “Kalo kata uyut kurang banyak malahan. Karena semua pengelolaan alam, ditengah fungsi nye ampe nyang sekecil apapun, pan kaga ada bates nye. Cume sebutan nye doang pake bahasa Arab, ada malekat Mudabbir, malekat Nun, Maytatturun, dsb. intinya setiap eksistensi alam, ibaratnye tiap huruf dalam kitab Al Quran itu punye kuase, ato malekat. Manuse ngerti sedikit doang, makanye Tuhan minta manuse kudu kolaborasi ame Kuasa Nye atao para malekat, lewat nyang gampang dulu deh, nyata alam. Pan lucu tong, ada orang bilang kenal Tuhan tapi malekatnye kaga kenal, apalagi dikenal,” kata Ji’ih. Japra menukas, “berarti kalo merek Hindu, kaga nyembah Tuhan dong tapi nyembah malekat."

Nyang kong pernah denger dari uyut, uyut bilang, malekat ato dewata itu ibaratnye orang tua kite. Untuk menangin restu Tuhan, pan kudu lewat anak tangge dibawahnye, restu malekat. Wujud malekat, jaranglah nyang bisa liat tapi manifestasi nye, ialah alam, tanah air ini nyang orang kudu siap berbak ti. Masa berbakti ame orangtua kite sendiri kaga boleh? kudu Tuhan doang,” kata Ji’ih. “Puja puji nyang sah itu terbit ditengah restu kesatuan, maka nye kudu bisa menangin restu alam, restu manusia, baru Tuhan, ibarat kate hab lum minal alam, hablum minan nas, baru hablum minalloh, kata uyut gitu.  Dan nabi kite wajibin sholat, kerna dalam sholat itu mewakili semua puja puji kesatuan nyang tiga tadi,” lanjut Ji’ih. “Maksudnye puja puji kesatuan bijima ne kong?”, kata Japra lagi.

Saat lu puja puji bari berdiri, itu mewakili puja puji kepada Sang Alif, Wajibul Wujud, makanye berdiri, dan nyang berhak muja muji cume nabi kite, kerna beliau lah sejatinye Syaikh Robbul ‘Alamin,  makanye fatihah nyang dibace, begitu uyut bilang. Terus lu ruku’ itu puja puji Alam Tengah untuk baginda na bi, kerna tiada alam semesta serta seisinye, jika bukan disandarkan kepada beliau. Terus lu sujud dua kali pan tong, itu sujud pada Tangan ato Kuase Tuhan, para malekat kiri serta kanan, nah nyang duduk diantara dua sujud  itu kite,  hamba-Nye, begitu nyang uyut pernah ceritain ke engkong."

"Innaloha wa mala-ikatahu yusholluna ‘alan Nabiy. Tuhan tiada pisah Kuasa-Nye tiada pisah Nabi-Nye, Tuhan-Malaikat-Nabi sebagai kesatuan. Nah kite, kalo pengen bareng, ya kudu direstuin kesatuan itu tong. Dah gitu dulu tong, lu jangan merek-merek an lagi, mending lu mikirin bisa kaga lu menangin restu alam ame manuse, baru ngomongin Tuhan.

 

Sudah dua buku yang saya tulis dan terbitkan, pertama dicetak 1,000 exemplar dibagikan gratis, buku kedua ialah Pengantar Falsafah Bhinneka Tunggal Ika, dicetak sebanyak 2,000 exemplar dan juga sudah habis gratis dibagikan, yang tersisa hanya versi e-book-nya saja. Bagi sodara ku yang ingin mencetak ulang, monggo .. gratis tanpa ada royalti royaltian.

Monggo kunjungi link nya juga untuk dapat melihat video-video yang sudah kami sajikan melalui flatform youtube klik pada tanda pagar di bawah ini..

 

#THSToday51

Untuk bukunya silahkan klik Falsafah Bhinneka Tunggal Ika

Salam Kerukunan,

Teguh Handoko Susilo (THS) ||#51||Sebagai Penulis dan Pembina Yayasan Pustaka Harjuna.

 

 

* Konten ini adalah kiriman dari user, isi konten sepenuhnya menjadi tanggung jawab penulis/kreator/user. Ingin membuat konten di Watyutink? Klik di sini!

SHARE ON

OPINI PENALAR

PILIHAN REDAKSI

2024: Orientasi Pergantian Semata, Celaka!

0 OPINI | 21 September 2021

Naik Turun Rezeki di Era Pandemi

0 OPINI | 16 September 2021

Majelis, Kembalikan Kedaulatan Rakyat!

0 OPINI | 14 September 2021

search
close

PENALAR

PENALAR TERPRODUKTIF

Christianto Wibisono

Analis Bisnis/ Pendiri Pusat Data Bisnis Indonesia (PDBI)

Gigin Praginanto

Pengamat Kebijakan Publik, Wartawan Senior

Ujang Komarudin, Dr., M.Si.

Pengamat Politik dan Dosen Universitas Al Azhar Indonesia